صرحت الفنانة المصرية نادية الجندي، بأنها لا تفكر في الزواج مطلقا في الفترة الحالية مشيرة إلى أنها في حاليا متزوجة الفن فقط.

وقالت نادية الجندي خلال برنامج ” أبلة فاهيتا ” : ” أنا مش بفكر في الجواز خالص كل تفكيري في فني وشغلي، عايشة للفن ” .

وعن علاقتها بطليقها المنتج محمد مختار، قالت الجندي: ” المفروض أي اتنين ينفصلوا عن بعض يبقي ده الطبيعي بينهم يبقي فيه بينهم رقي وفيه أصل لأن دي عشرة وذكريات جميلة “.

وأضافت: ” بيني وبين مختار أحلي أفلام اتعملت في تاريخ صناعة السينما المصرية، هو مش بس كان جوزي هو شريك نجاحي رحلة طويلة من الكفاح عيشناها سوا دي حاجة مش بسهولة الواحد ينساها خالص ” .

وروت نادية الجندي عن أظرف معجب قابلته خلال مسيرتها الفنية، قائلة: ” كان فيه واحد معجب بيقف ليا تحت البيت، كان مجنون بجد وبيقعد يقول عايز أشوفها عايز أشوفها وبيقلع هدومه في الشارع، في الآخر جابه ليه البوليس ومنعوه يعدي من المكان” .