رامز جلال يسخر من حاتم صلاح: ده قهوجي مش فنان

حل الفنان المصري حاتم صلاح ضيفًا على حلقة اليوم من برنامج "رامز إيلون مصر" المذاع عبر قناة MBC مصر، واستقبله الفنان رامز جلال بمقدمة ساخرة قال فيها: "من أقوالي المشهورة لو كنت أصلع ومناخيرك قد الكوز، هيجيلك يوم تبقى في شهرة توم كروز".

وأضاف رامز: "معانا فنان كبير، نجار مسلح متشعلق على سقالة في الكيت كات، لما لقى أتوبيس الكوميديا مليان كوميديانات قال لازم أبقى مختلف، أنا هقفش في التلامة، وطار في سماء النجومية كما الحمامة، معانا خفيف الظل اللي إفيهاته بتشل".

وسخر الفنان المصري من إطلالة حاتم صلاح عقب وصوله للبرنامج قائلاً: "نفادي هينزل من تسلا؟" ده كبير جرار، سالم كخة صاحب معارض كخة للأوناش، إزاي يبقى أخو القمرات نيللي كريم وروبي وكندة علوش في مسلسل إخواتي؟ أكيد من أم ثالثة.

وتابع : "إيه الأسنان دي؟ أخيراً حمدي المرغني لقى له منافس. إيه الجاكت المعفن ده؟ كان جاكت قديم عند مكي؟ بالذمة ده شكل فنان، ده قهوجي".