مذيعة مصرية تظهر بفستان زفاف وتطلب عريساً .. فيديو

ظهرت الإعلامية المصرية أمال كمال، مذيعة قناة الحدث، في حلقة أمس، وهي ترتدي فستان زفاف على الهواء.

وقالت المذيعة المصرية، أن سبب ارتدائها الفستان، هو موضوع الحلقة الذي ينتاول الصعوبات التي يواجهها الشباب والفتيات في الزواج.

وتابعت أمال كمال: "مساء الخير مشاهدين الكرام.. الحلقة النهاردة مختلفة والنيو لوك مختلف. حلقتي عن موضوع مهم جدًا وهو موضوع حياة ويهم كل سيدة وبنت".

واستطردت: "في ظل الظروف اللي أحنا فيها ومغالاة المهر والجواز اللي بقى أصعب كتير أوي. والشباب اللي بقى الموضوع بالنسبة لهم في منتهى الصعوبة بسبب طلبات العروسة".

وأضافت: "مفيهاش حاجة لو أنا عن نفسي لقيت شخص رجل شهم وناضج وعاقل. مفيهاش حاجة أني أقوله تتجوزني. حاجة مش عيب"، متابعة: "الزواج أيام النبي وجدي وجدتك كان ناجح ومفيهوش نسب طلاق دلوقت كل 6 شهور في طلاق".

وتلقت المذيعة المصرية خلال الحلقة مكالمة هاتفية من متصل، فاجئها بطلب الزواج منها؛ حيث قال المتصل: "أنا مهندس شريف من القاهرة: ممكن تتجوزيني، بتقدم لك على الهواء"، لترد عليه: "أنا متفاجئة بصراحة بس بشكرك على ذوقك، واضح أن الحلقة بقى لها تأثير".

https://youtu.be/byxOqN8yQAo?si=EVthYoUbskmlr10R