مذيعة مصرية شهيرة ترتدي الحجاب.. صور

ارتدت المذيعة المصرية هند مدحت، عبر حسابها الرسمي "إنستغرام" الحجاب، من خلال نشرها صورا من جلسة تصوير جديدة لها وهي ترتدي الحجاب وتحدثت لجمهورها عن اتخاذها لهذا القرار.

وقالت هند مدحت: "عمري ما غلبت في الكلام.. ولا اتحطيت في موقف وكنت مش عارفه أقول إيه بس أنا فعلا مش عارفة اكتب حاجة ولا أقول حاجة مكنش عندي شك أن اللحظة دي هتيجي تاني، كنت واثقة في ربنا أنه عارف اللي جوايا عارف أنا بحبه قد إيه ومش بتبسط في أي مرة بعصيه فيها سواء في الكبائر أو الصغائر".

وأضافت: "أنا بقالي 4 سنين مصدعة صحابي أنا عايزه اتحجب مش قادرة بس عايزة بحب شعري قوي وبحب البحر والتان بحب الفساتين القصيرة والحفلات والسهر والمزيكا بحب نظرات الإعجاب بجمالي في عين أي حد بيشوفني راجل أو ست بحب شغلي قوي اللي يمكن الحجاب يغير شكله أو يخليني مقدرش اعملو تاني بس بحب ربنا أكتر بس مش قادرة أحول الحب لفعل مش عارفة أخد الخطوة دي".

وتابعت هند مدحت: "النهاردة عيد ميلاد جديد ليا، ميلاد لحياة جديدة مبدأتش النهاردة بدأت من سنة وركزت فيها من 6 شهور بس، أنا مش هعرف اكتب كل حاجة جوايا بس أنا اتحجبت بدعوات أمي وأبويا وإخواتي ودعوات كل بنت هنا كانت لما بتشوفني بطرحة في العمرة أو أي حاجه تدعيلي. فا أنا عايزاكو تكملوا دعا ليا، بس المرادي بالثبات، ربنا بس اللي عارف القرار ده خد مني قد إيه، بس أنا دلوقتي مرتاحة ومطمنة أكتر وعارفة وواثقة أنه هيساعدني..ادعولي..كتير بالثبات وإني ربنا يقدرني والبسو بالطريقة الصحيحة اللي ترضيه".