بدرية طلبة لـ منتقدي حفل زفاف مي فاروق: مفرحتش وبتفرح
خاص
هاجمت الفنانة المصرية بدرية طلبة، منتقدي الفنانة مي فاروق بعد احتفالها بحفل زفافها على الفنان محمد العمروسي.
وردت بدرية طلبة، على بعض التعليقات السلبية التي جاءت من قبل رواد مواقع التواصل الاجتماعي على انتقادات حفل زفاف مي فاروق، قائلة :«هي مي فاروق غلطت في أيه، عندها 41 سنة وتقولولها احترمي سنك، دا فيه بنات في سنها ولسه متجوزوش أصلا وبعدين لو على احترمي سنك يبقي تحترمي أنتِ سنك يا اللي كتبتي التعليق ده ."
وأضافت :" عملت فرح ماتعمل يمكن مفرحتش قبل كدا وربنا بيعوضها بتستكترو الفرح عليها ليه؟».
وتابعت:«عيالها كبار، كويس يعني فاهمين وواعين وراضيين ولا انتوا شوفتوهم لابسين مقطع وبيعيطو على جنب، دول كانو فرحانين وبيشاركوها فرحتها ولا أنتي ياللي كتبتي التعليق دا الحنية بتخر منك وأحن على العيال من أمهم، ومش عاجبك أنها لابسه فستان وطرحة، ما تلبس اللي نفسها فيه».
واختتمت طلبة:« اتقوا الله في نفسكم لا فرح عاتقنا ولا في حزن راحمنا ناس مريضة وفاضية متعرفوش ربنا ياتحسدوا وتحقدوا ياتطلعوا الغل اللي جواكم في التعليقات».
وكان حفل زفاف مي فاروق أقيم الخميس الماضي بأحد الفنادق الكبرى، وسط عدد كبير من نجوم الفن والشخصيات العامة.
